Publisher Theme
I’m a gamer, always have been.

“Rapid”in baş məşqçisi: “Təhlükəli oyunumuzu Vyanada göstərəcəyik”

0

“Oyunun ilk 15 dəqiqəsində “Neftçi”ni sıxışdırmaq istəyirdik. Ancaq gördük ki, alınmır. Rəqib hər addımda bizim planlarımızı pozurdu”.

“Report”un məlumatına görə, bunu Avstriyanın “Rapid” klubunun baş məşqçisi Ferdinand Feldhofer Bakıda “Neftçi”yə 1:2 hesabı ilə uduzduqları UEFA Konfrans Liqasının III təsnifat mərhələsinin ilk oyunundan sonra mətbuat konfransında deyib.

Avstriyalı mütəxəssis “ağ-qaralar”dan Eddi İsrafilovu fərqləndirib: “O, fərdi planda fərqlənən futbolçudur. Biz isə təhlükəli oyunumuzu Vyanada göstərəcəyik”.

42 yaşlı baş məşqçinin sözlərinə görə, məğlubiyyət onlara pis təsir etməyib: “1:2 hesabı pis deyil. Şanslar var. Cavab görüşündə qollar vurmaq olar”.

Qeyd edək ki, cavab matçı avqustun 11-də Vyanada keçiriləcək.



Bir cavab yazın

Your email address will not be published.